Kaixo denoi!
Miren naiz. Ikasturtea bukatzear dago eta gaurko jaialdiaren ondoren emozioak pil-pilean ditut. Batzuk eskatu bezala nire agur bertsoa zintzilikatuko dut.
Ongi bizi eta beti arte.

Ze eskola ta ze gela

atsegiña ta epela

ikasle adiña perla

denei bejondeizuela

Nahiz Jauntsarastik Leitzara noan

ez dut ahaztuko bela

Basaburuko lankidek nere bihotzean zaudetela

Ikaslek berriz, a ze kuadrilla!

jarrai zazue, ahal dela

antzerki eta festak egiñez orain artean bezela

ta ez sekula ahaztu Leitzan

lagun bat daukazuela.

Doinua: Munduko ilunabarra

Irratiaren Eguna 2012-4-27

Prestaketak Apeztegiberriko ganbaran

Kaixo lagunok...

IrratiarenEguna pelikula hortxe duzue.

0 TRAILER-ra

1 GoizekoSaioa


2 Tailerrak


3 ArratsaldekoSaioa

IRRATIAREN EGUNA

D Eguna lantzeko guraso talde bat bildu ginen, eta hauxe da gutxi gorabehera zehaztu genuena.

Gaia: Irratia

Eguna: Apirilaren 27an (ostirala) izan zen.

Egitaraua: Haur Hezkuntza (HH) eta Lehen Hezkuntza (LH) bereizita egin genuen lan egun horretan, goizean.

HAUR HEZKUNTZAko haurrak 3 taldetan banatuko ditugu eta hiru tailer egin genituen goizean zehar.

1. Musika: Musika ekoizpen txikiren bat (Perkusioarekin edo…). Landu, eta grabatu.
2. Entzumenaren zentzumena: Begiak tapatuta oinez ibilbidetxo bat egitea, kez (ez toxikoa) betetako gela batean egotea, soinuak zer diren ezagutzea…
3. Ipuin kontaketa eta grabazioa: Efektoekin. Irratinobela.

LEHEN HEZKUNTZAko haurrak 3 taldetan banatu eta 3 tailer antolatu genituen. Hiru taldeak hiru tailerretan parte hartu zuten, txandaka.

1. Publizitatea: Kuñak prestatu eta grabatu: Eskolaren publizitatea, Basaburua bailararen publizitatea (Turismo Bulegoaren proiektuaren barruan), Esan-Erran irratiaren publizitatea.
2. Erredakzioa: Berriak, eguraldiaren iragarpena, musikaren hautaketa…
3. Elkarrizketak: Elkarrizketak… Basaburuko jendeari.

ARRATSALDEAN: Apeztegiberriko ganbaran (Jauntsarasen) irrati estudio bat egin genuen. Eta arratsaldean (14.50-16.20) irrasaio bat egin genuen denok batera. Zuzenean.

Honoko atal hauek eduki zituen (gutxi gorabehera):

• Aurkezpena
• Publizitatea (goizean grabatutakoa)
• Debatea-tertulia: Gorri eta Korri zorrikin
• Musika: Eskeinitako kantu eta doinuak
• Elkarrizketa: Bart Zina. Gonbidatu berezia.
• Berriak: goizean zehar landutakoak.

(Zati batzuk guk prestatu eta antzeztu genituen. Irrasaio-show-a izango zen, baina goizeko lanak txertatuta).

Gertuko irrati euskaldunekin harremanetan jarri ginen gure egunaren berri emateko eta Esan Erran irratiaren itxierarekin konforme ez gaudela azaltzeko.

BESTEAK

Irrati eguna Esan-Erran irratiaren itxierarekin guztiz lotuta zegoen. Horregatik IrratiarenEguna (D Eguna) baino lehen prentsa oharren bat komunikabideei bidali genien. 

Komunikabideei bidali genien oharren laburpena:

Erredakzio saileko guztiei,

            Oihanzabal Ikastetxeko haurren gurasook antolatuta, ostiralean, apirilaren 27an, Irratiaren Eguna ospatuko dugu egun osoan zehar Oihanzabal eskolan (Jauntsarats). Bi asmo nagusik bultzatu gaituzte Irratiaren Eguna antolatzera.  Batetik, euskal hedabide herrikoiek gure komunitatean eta gure eskolan duten garrantziaz ohartarazi nahi diegu gure haurrei eta oro har herritar guztiei. Bestetik, gurasoak eskolara sartuz eta eskoletan  zuzenean parte hartuz, eskola txikiak biziberritzen ahalegindu nahi dugu. Gure eskualdean, Esan Erran irratia itxita dago azken hilabete luzeotan. Irrati horrek gure bailarako haurren eta familien komunikaziorako bidea izan da urte askotan. Eskolak ere jakin izan du hedabidearen eduki didaktikoaz baliatzen, haurrek sarri askotan joan ohi zirelako irratira, zuzeneko saioetara. Orain irratia ixtearekin, baliabide aberats bat galdu dugu eskolakideok. 

Guraso Elkartearen eta Rubenen arteko hilabeteroko bileraren akta 2012 ekainaren 7an.

Ruben eta Unai.

-       Kurtso bukaerako festa: Egitaraua honakoa izango da.

10:00- Festibala

11:00- Proiektuaren baitan egindako elkarrizketen aurkezpena.

11:30- Agurra. Eskola aurten bukatzen dutenei.

12:00- Hamaiketakoa.

-       Otsolara txangoa. Urtero egiten den txangoa da, baina aurten larunbat batean egitea proposatzen da familia guztiei parte hartzeko  aukera ematearren.. 23an hain zuzen. Bokatak familia bakoitzaren asku utzi edo Guraso Elkarteak antolatu dezake hamaiketakoa.

-       Proyectos de Innovación: Irakasleak zirriborro bat prestatzen ari dira D egunaren inguruan berrikuntza proiektoa garatzeko. Lortuko bagenu dirua proiektua aurrera ateratzeko, orain arte egindako D egun bakoitzari buruzko panel bat prestatzea da. Argazki eta testuen bitartez egun bakoitzaren jarduerak eta xedeak erakusteko moduko euskarri batetan isladatzea da helburua. Zirriborroa prest dagoenean, gurasoei pasatuko zaigu ekarpenak egin ahal izateko

-       Batzordeak: Ekainaren 27an 13:30tan biltzeko deituta daude, datorren kursoaren hasiera prestatzeko.

Besterik gabe bilera bukatutzat eman zen.

2012ko maiatzaren 24a. Guraso Elkartearen Batzordea

Partehartzaileak: Nerea, Mikel Goñi, Lander, Mikel Lara, Nuria eta Karmentxu

1.- Rubenekin izandako bilera komentatzen du Nuriak. Dagoeneko bilera honen akta blogean dago .

2.- KURTSO BUKAERAKO  BILERA OROKORRA

     Ekainaren 14a, ostegunarekin, Guraso Elkartearen asamblada orokorra egingo da, arratsaldeko 17:30tan. Nerea eta Lander prestatuko dute bilera eta beste batzuen artean puntu hauei buruz hitz egingo da:

-       Urtean zehar egindakoa

-       Batzordeen egoera

-       Landa eremuko eskolako jardunaldiak

3.- Kurtsoaren azken eguna

     Egun hontan gurasoek  jaraituko dugu arduratzen hamaiketakoz.

     Momentu hortan sortzen den giroaz hitz egiten dugu: giro nahastua sortzen da, urtean zehar geletan landutako ohiturekin zerikusia ez duena. Korrika eta presaka jaten da, eta janaria eta basoak  agertzen dira nonnahi erdi janda edo erdi edana. Hamaiketako hori beste modu batez antolatzen pentsatzen hasi gara. Janaria eta edaria txokotan antolatu izan daiteke modu bat. Asamblada orokorrean, honi buruz  hitz egingo da.

4.- Azken grebako egunak nahiko despistatuak harrapatu gaitu. Hurrengo astean bi deialdi daude Nafarroan. 29rako deaildi bat egingo dugu Guraso Elkartea bezala. Goizeko 9:30tan eskolako atean elkartuko gara pankarta batekin  pasatzen direnei informazioa zabaltzeko asmoz. Hor bertan baloratuko da Iruñeko manifara joateko aukera eta osteguneko dinamika zein izango den. Bihar nota pasatuko da.

5.- Udaleko Euskeraren batzordetik Guraso Elkarteko partaide bat eskatzen digute. Lehenago baten bat egon da baina utzi egin du. Momentuz ez da boluntariorik agertu.

6.- Mikel eta Arantxa datorren ikasturterako ez dira egongo gure artean, eta Mikelek gogoratzen digu Akten liburuak norbaiti pasatu behar dizkiola joan baino lehen. Boluntariorik ere ez.

7.- Gurasoen batzordeak ”ikastaro” bat antolatzen ari da Mauje Cañadasekin hurrengo ikasturterako. Tailer hauen datu  zehatzagoak izanen ditugu  ekainako bileran.

8.- Irrati egunaren bideoa eta argazkiak oraindik ez ditugu ikusi. Informazio hori bildu eta  zerbait egin behar genuela komentatzen da. Zirko, Arte eta Zinemaren eguneko argazkiekin oraindik ez da ezer egin eta.

9.- Oihanzabal Eskola Ikastetxeen Kalitatezko Hezkuntza Kudeaketa sarean dago eta bertako prozesu bat garatzeko gure laguntza eskatzen digu Rubenek (zuzendaria).

     Jakin beharko luke zeintzuk diren Guraso Elkartearen beharrak eta itxaropenak eskolarekiko. Beste hitz batzuetan esanda, zer eskatuko genioke eskolari eta zer espero dugun berak ematea.

     Grebaren eguna adostuko dugu eta gure beharrak pasatuko dizkiogu.

Oihanzabal Eskolako Guraso Elkartearen pankarta. Iruñan. 2012-5-29
DEN-DENA NAHI DUGU
Mr. Iribas, maite zaitudala badiot gezurra diot.